Naked

Esvara entre as troitiñas, enredada nos poemas do desexo. Chuspe de limón e patacas fritidas no magosto do seu alento. Promételle non enganala e non o fai. Déixalle descubrir as penquiñas do lombo mentres se viste a presa no baño. Non hai máis.

Se ela quixer, habíao cortar en filetiños coma unha pescada, íalle quitar as espiñas, limpar as vísceras e regalo con zume. No canto diso, saliva  nas sabas os seus recendos.

Tardou algo menos dun mes en aparecer no seu cuarto. Volve sentir o sal e as ascuas. Déixase rasurar o pescozo e, limpa a ducha antes do café. Se el quixer habíaa chuchar ata os ósos, adobar con allo e pirixel e secar coa pel do revés.

O seguinte barbeito durou todo o verán e máis. Non foi ata o tres de novembro que o seu amante se desenvolve de novo nas súas entrañas. Ven coma un can rabiado, toma o seu e, marcha.

So catro días despois de defuntos vense de novo. Temos que facer contas, crávalle a muller no ouvido esquerdo. Cales? Antes de marchar, non te esquezas, tesme que dicir canto é todo

TERRA DA FRATERNIDADE: Homenaxe a Zeca Afonso (nota: comeza no minuto 28)

Loading...
E dixo:

-A unidade emotiva consíguese no conto pola ousesión do que ten de sobrevivir
-O remate ha de te-la virtú de faguer simultáneas no esprito as imaxes que foron sucesivas
-A presenza do remate debe estar atafegada, pero latexando con forte resonancia en tódolos currunchos do relato
-O remate é unha imaxe que fai estoupalo conto nas verbas derradeiras, despois de inzalo poderosamente
-O conto é unha pelica na que se sinte o pulso dunha imaxe contida
-O conto é o remuiño que fan arredor dunha lámpada moitas bolboretas, todas mergulladas na mesma luz

O Dieste

-Vai indo, non si?

A Nena