Limpeza

Disque varrer a aqueles que xa non camiñan o teu paso é como desfacerse dos intereses da conta de aforros. Pobreza emocional que non tolera a aquelas que berran por un ceo a altura dos nocellos, nin a aqueles que impoñen a postura na almofada. 

Os outros, as demais.

Os que esperan que escoites os seus monólogos e que non os aburras cos teus. As que deixan que as súas nenas crezan ata chegarlles polo ombreiro, ó tempo que se choran nas engurras. Eles, que pelados aínda peitean o seu sexo. Elas,  que trouxan pantasmas de amores que non foron. 

Facer limpeza social é como abrir o pescozo dun porco para aproveita-lo sangue e con el,  facer as filloas.

No hay comentarios:

Publicar un comentario

TERRA DA FRATERNIDADE: Homenaxe a Zeca Afonso (nota: comeza no minuto 28)

Loading...
E dixo:

-A unidade emotiva consíguese no conto pola ousesión do que ten de sobrevivir
-O remate ha de te-la virtú de faguer simultáneas no esprito as imaxes que foron sucesivas
-A presenza do remate debe estar atafegada, pero latexando con forte resonancia en tódolos currunchos do relato
-O remate é unha imaxe que fai estoupalo conto nas verbas derradeiras, despois de inzalo poderosamente
-O conto é unha pelica na que se sinte o pulso dunha imaxe contida
-O conto é o remuiño que fan arredor dunha lámpada moitas bolboretas, todas mergulladas na mesma luz

O Dieste

-Vai indo, non si?

A Nena