En fronte aos teus vidros, descúbrome curioseándote. Diante da túa camisa azul de cadros, áchome definindo as nosas asimetrías. Na envoltura da túa bufanda, revélome lembrándote. Na túa mirada pícara, nas túas mans de médico, no teu susurro ao oído,... rebolen as miñas fantasías.
Nos teus ollos escuros, nos de neno, nos azuis.... No teu cabelo gris, na calveira, nas túas ondas... Na conversa pausada, na linguaxe inintelixible, na tensión... No primeiro encontro, no vémonos onde sempre, no imos ver se coincidimos...
Na botella de auga, no ron con cola, no queres tomar algo... No saúdo, no non-saúdo, no ciao...
...un peteiro sensual,
porque é máis doado...
atopar un amante a un amor
