...non hai nabiza. Cinco gaivotas latrican nas miñas costas:
Por muller, polos meus ollos,
sucios coma os dun persa con pedigree
Tres bestas voan no meu cuarto: Baleiros os cheques nominativos...
Estou a durmir!
Mirando a xente ao meu redor, non hai quenturas...
Hoxe, coma onte,
vai frío e chove
-Capitá!-Presente!
-Soldado!
-Ausente!
No camiño da Presa espera unha pequerrecha que ten gañas de cazar a un ionqui da nada. Cachimbas sen amoníaco que se filtran nas ideas para dicir nada.
Sentir, nada
pensar, nada
-Policía!
-Presente!
-Doutor!
-Ausente!
Na beira do río afoga unha serea sen cabeza. Intelectuais con cerebros envolvidos en tripas,
vomitan
Comerciais con unllas de agulla, mercan cartos garabatados nas galiñasazuis.
-Xuíz!
-Presente!
-Mestre!
-Ausente!
Sen min, non hai nos-outros!
Sen galego, non hai Galicia...*
*Obrigada/agradecida
